HNAMDANG RUBOTU MI 3 TE KHA

Hmanni July ni 7, 2015 Vanglaini front page-ah khan hnamdang rubotu mi 3 police in an man tawh tih leh hemi chungchangah State Assembley-a Home Minister thusawi Mizo Youths Service Corps hotupa Director Pu C.Dothanga IPS Dg rtd. tih chungchangah khan sawifiah ngai a awm a, thil dinhmun chiang zawk chu hetiang hi a ni.

Keini, Aizawl nula tlangval intel khawm ten pawl thar "Mizo Youths Service Corps" kan din a Pu C.Dothanga IPS rtd hi kan Director General ni turin kan sawm a hemi chungchang thuah hian June 21 Sunday 2:00 Pm-ah an inah kan kawm ta a. Kan kawm hnu hian, "Ka lo in ngaihtuah ang e," tiin kan inthlah a ni.

Kan thil tum te:-

1. Ruihhlo tirem tura ṭan lak.

2. Chhiatrup nikhuaa mi ṭanpui.

3. Mi ṭanpui ngai leh chak lo dawrawm zawk te puih ṭhin.

Member nitur hian discipline ṭha ruihtheih thila fihlim leh kum 15 aṭanga kum 30 inkar nise, tin, Aizawl Headquarter a ni anga, district tinah units din vek a ni anga, sorkar leh mipui tan kan inpe anga, tin, training ṭha tak neih kan tum anga, in biaktawn zung zung na atan walkie' talkie mobile phone te kan hmang anga, tin, zanah te veng hrang hrangah patrol leh night duty te kan nei ṭhin ang. Enrollment fee Rs 10 nihse tih a ni a. Uniform, identity card te kan mamawh dawn avangin Pu Doa signature pawh kan lo la lawk nghe nghe a ni.

Mizo Youths Service Corps hi din dan mumal leh pawl kal hmangte fel fai tak a siam a, mi ṭhahnem tawkin an zawm hnuah sorkara in register pawh kan rel bawk. He pawl hi ṭan a la ni lova P C.Dothanga pawh hi kan Director a la ni lo tih kan rawn sawi fiah a ni.

Hetih lai hian kan thiante Thompson Lalrambuatsaiha 29 s/o C. Lalngaihawma leh Micky C. Zohmingliana 29 s/o C. Lianzuala Venghnuai, Aizawl te hian beisei lo takin khawmawh bawlin vai sumdawng an lo hruaibo a, Lengpui ram mi thlamah an riahpui a ni. An vai man tlan chhuak tur hian a unaupa pawisa (Ransom Money) an dil niin kan lo hria a mahse an vai man hi tlanchhuakin Lengpui mite ava pun a chutah anni hian manin Sairang Police-ah an dah ta a. Hemi thu kan hriat ve leh hian Pu C. Dothanga kan hrilh nghal a, thurawn min pek angin Sairang Police Station-ah July ni 5 (Sunday) zanah thlanthlak nghal kan tum a, amaherawhchu ruahpui vanawn a sur avangin Aizawl PS aṭangin chanchin kim chang kan hre ta zawk a ni.

He thil thleng hian min barakhaih em em a, a zahthlak pawh kan ti a, hetiang mi hi thawhpui atan kan duh lova, kan thlauh-thla nghal a ni. Mizo Youth Service Corps hi a la ding lova sorkar-a register pawh a la ni hman lova, ṭan kan tum chauh zawk a ni. Hemi te pawikhawihnaah hian telna kan nei lova a mawh kan phur lo bawk. Kan hnam leh ram tan a thilṭha tih kan tum laia kan zinga kawhmawh bawl duh an lo awm hlauh hi a pawi kan ti hle a tun hnuah thleng leh tawh lo se kan duh.

Sd/- LALNUNTHARI KHIANGTE Sd/- JOHN LALLAWMKIMA

Sd/- GOSPEL THANGA