CM leh EDII hotu an inkâwm

Chief minister Lalduhoma chu nimin khan a pisaah Entrepreneurship Development Institute of India (EDII) director general Dr Sunil Shukla-a'n a kâwm a; Mizorama Entreprenuership Development Institute din dan tur an sawi dun.

Dr Sunil Shukla chuan, Mizoram sorkarin EDII chu hmunhma a pek theih chuan CSR fund leh central scheme aṭanga fund awm theite hmangin entrepreneur & skill lama hmeichhiate leh zirlai naupangte tan inzirna tur Mizoram Entrepreneurship Development Institute an din theih tur thu a sawi a, "A tir lam kum nga chhungin entrepreneurship te, skill training te, start-up te, incubation leh mentoring lamte kan kalpui ang a, kum riat vel chhungin mahnia campus nei theia din kan tum zui dawn a ni," a ti.

CM Lalduhoma chuan, EDII-in rawtna an neihte chuan a huam zau thu leh department kaihhnawih a ngah thu a sawi a; inrâwnkhawmna zau zawk neih a ṭul dawn thu leh coordination committee din a, chak taka bawhzui a nih tur thu a lo hrilh.

EDII hi kum 1983-a din niin, Gandhinagar, Gujarat-ah hmunpui an nei a, state eng emaw zatah entrepreneurship development centre an din tawh a ni.