Sikul zinga hnam lâm thiam berah Mizo High School thlang

Art & Culture department leh Mizo Cultural Organisation (MCO) chuan high school leh higher secondary school zirlaite tana Mizo hnam lâm intihsiak an buatsaih a, Mizo High School pakhatna an ni.

Nimin khan Vanapa Hall-ah hnam lâm intihsiak hmáwrbâwkna hun hman niin, Art & Culture minister C Lalsawivunga'n a hmanpui. Zirlaite chu buhza aih, cheraw leh chheihlâm hmangin an intihsiak a ni. Mizo H/S chu pakhatna niin, lawmman Rs 50,000 an dawng a; pahnihna Greenland HSS-in Rs 30,000 dawngin, pathumna St. Paul’s HSS-in Rs 20,000 an dawng.

Minister C Lalsawi-vunga chuan, Mizo hnam nunphung vawng nunga tihmasawn zel turin zirlaite chahin, "Hnam ropui apiangin mahni hnam nunphung an ngaisang ṭhin," a ti a; Mizo hnam lam leh zaite uar thar tur leh, upate zah ching thar turin zirlaite a chah bawk.