KHAWTHLIR

Prominent journalist Hmaoko thi
Prominent journalist Hmaoko Hlychho (75), Maraland chanchinbu editor chu July 9 zan dar 11:40 khan cancer vangin Aizawl Hospital-ah a thi a, vawiinah vui a ni ang. MJA general headquarters leh district MJA-te chuan Hmaoko Hlychho an ui thu leh sûn thu an tarlang.

Education Policy
New Education Policy duanna atana India ram puma inràwn khawmna neih mek kal zelah, nimin khan Sihhmui Middle School-ah block level-a inràwn khawmna neih a ni a; Sairang, Sairang Dinthar, Sihhmui leh Lengpui aṭangin SMC, VEC, zirtirtute eleh V/C, YMA, MUP leh MHIP aiawhte mi 80 chuang an tel.

Graduate result chhuakah lawm
Mizo Students’ Union (MSU) chuan thuchhuah siamin, Mizoram University-in nimina degree course exam result a tichhuak chu lawmawm an tih thu an tarlang a; graduate tharte an lawmpui thu an sawi rualin, pass zo lote beidawng loa zir zel tura an duhsak thu an sawi.

NLUP sem
Soil & Water Conservation department chuan nimin khan Serchhip Hmarveng YMA Hall-ah Serchhip district-a NLUP third phase leh fourth phase hnuaiah ṭanpuina second instalment an sem. Ṭanpuina hi hmunphiah thlangtu mi 70, coffee thlangtu 36 leh ṭhelrêt thlangtu 23-te hnenah sem a ni.

Phun tur pe
Serchhip Chanmari branch YMA-in tuihna tihpunna tur leh Tarpi Tlang ngawa siam an tumnaah Tlanghmingthanga, Piler chuan nimin khan tlaizawng ṭiak 200 leh lamkhuang ṭiak 30 a pe.