Medicinal & aromatic plant zirho

Mizoram Univer­sity-a Department of Biotechnology leh CSIR-CIMAP, Lucknow-te chuan, nimin khan MZU Guest House-ah 'Production and Primary Processing of Economically viable Medicinal and Aromatic Plants' tih thupui an zirho.

MZU vice chancellor Prof. R Lalthantluanga khual­lian a ni a, CSIR-CIMAP director Prof. AK Tripathi khualzahawm a ni. Mizo­ram hmun hrang hrang aṭang­in loneitute an tel a, CSIR-CIMAP-a mi thiam mi parukin medicinal plant leh aromatic plant chîn dan, a enkawl dan leh zawrh chhuah dante an zirtir a ni.