Vawiin World Population Day

Vawiin, July 11 hi World Population Day a ni a, khawvel ram hrang hrang­ah hman a ni dawn a, thupui chu 'Chhungkaw hrisel nan leh hlim nan kum thum danah fa nei rawh' tih a ni.

World Population Day hi Mizoramah pawh Health department bultumin hman ṭhin a ni. Kumin bikah chuan June 27 - July 10 chhungin Mobilisation Fort­­night hman a ni a, mihring pung chak lu­­tuk­­in a nghawng harsatna awm thei te, chhungkaw mumal taka ruahmanna neih pawimawhnate inzirtirna hun atan hman a ni.

Vawiin aṭanga July 24 thlengin Po­pulation Fortnight hman a ni dawn a, nuin hrisel taka nau a pâi theih nan, naute hrisel nan leh dam khawchhuahna tura enkawl dan te, a hun taka nau pâi theih nana indanna hmanrua inzirtirna hunte hman a ni ang.