Aizawl khawpui chhungah Lirthei chhiarpui nei mek

Aizawl Municipal Council (AMC) chuan tunlai hian Aizawl khawpui chhungah local council kaltlangin AMC huam chhunga lirthei chhiarpui a nei mek a, July 15, 2015-ah zo tura tih a ni.

AMC ruahmanna angin, Aizawla LC hrang hrangte chuan an veng chhung ṭheuha lirthei an chhinchhiah mek a, private car leh commercial vehicle-te chhinchhiahin, sorkar lirthei erawh an chhinchhiah lo. Lirthei chhiarpui neih chhunga chhinchhiahte chu AMC-a thehluh tur a ni.

Lirthei chhiarpuiah hian lirthei registration number, a model, a tira neitu, tuna a neitu leh address kimchang, garage an neih leh neih loh leh, anmahni biak theihna telephone number-te chhinchhiah a ni.