Pafa tuitla ruang hmuh a ni

July 8, 2015-a Marpara bul Mar luia tla hlum, UPC (NEI) missionary H Lalsangzuala (45) leh a fanu Lalnunhlui (12)-te ruang chu nimin zing khan hmuh an ni.

Tlabung leh Phul­dungsei aṭanga thu dawn danin, Lalnunhlui ruang hi nimin zing dar 8 vel khan Marpara thlang lam, Sachan zawn velah hmuh a ni. Lalsangzuala ruang nia hriat pawh nimin zing dar 8 vel kham Sumasumi aṭanga bazar tura kalte'n Tlabung aṭanga lui hnar lam km. 12 vela hla, Samuksury bulah tuia a láng chhuak an hmu a; nimin chawhnu dar 2 vela Tlabung damdawi-ina endik a nih hnuah Phuldungsei panpui a ni.

Vanglaini July 9, 2015 chhuaka Lalnunhlui ruang hmuh tawh a nih thu tarlan chu thu dawn dik loh vang a ni.