Pawl 5-in thisen unit 162 an pe
Salvation Army Youth (SAY) Central South Division huaihawtin, Thingsulthliah area-a mite chuan July 11 khan Aizawl Civil Hospital tan thisen unit 72 an pe a, a petute mipa 70 leh hmeichhia pahnih an ni.
Facebook-a Pachuau Inpui chuan Inrinni khan Aizawl Civil Hospital leh Lunglei Civil Hospital-ah blood donation camp huaihawtin, thisen unit 36 an pe a; Aizawlah mipa 17 leh hmeichhia paliin unit 21 an pe a, Lungleiah mipa 10 leh hmeichhia pangain unit 15 an pe.
Sairang Bial KṬP pawhin Inrinni khan Synod Hospital-ah thisen unit 38 an pe a, a petute mipa 36 leh hmeichhia pahnih an ni. July 11 vêk khan Aizawl Civil Hospital-ah Kawrtethawveng Zirlai Pawl -in unit 11 leh Whatsapp-a Blood Donation group member mipa pangate'n an pe bawk.