Lok Adalat-te'n thubuai chingfel

Inrinni khan India ramah National Lok Adalat Day hman a ni a, Mizoramah pawh hman a ni. Aizawl leh district headquarters-ahte district Lok Adalat-te an ṭhu a, thubuai eng emaw zat an chingfel.

Aizawla Lok Adalat chu Legal Services Au­thority pisaah hmun pa­hnihah an ṭhu a, thubuai ngaihtuah tura chhawp chhuah 120 zinga 58 an chingfel. An chinfel zinga 54 chu BSNL telephone bill pek loh chungchang thubuai a ni a, sum kaihhnawih zat chu Rs. 7,58,050 a ni.

Aizawla Lok Adalat-a concilliator-te chu - judge hlui T Saikunga, Zozinga, KV Tlangmawia, H Lal­chhuan­awma, F Thang­hulh­a leh DR Zirliana te an ni.

Kolasib-ah pawh Inrinni vêk khan Lok Adalat an ṭhu a, thubuai 21 an ngaihtuah zinga pahnih an chingfel a, panga an titawp. Sitting-ah hian leiba ṭhìnna aṭangin Rs. 3,000 hmuh a ni.