Methamphetamine ṭhahnem tak man

Champhai Police-te chuan September 19, 2025 khan Champhai Zotlangah methamphetamine kg 70.200 an man a, cheng vbc. 9.12 man hua chhût a ni.

Thudawn danin, Champhai Police-te hian an thudawn bawhzuiin Champhai Zotlangah hian balu an endik a, balu chhungah hian methamphetamine kg 70.200 hi hmu chhuakin an man. Methamphetamine thukrutu Lalnunthara (27) s/o Lalrintluanga, Champhai Dinthar Veng nia inchhal pawh an man nghal.

Lalnunthara hian methamphetamine hi Nothanhranga, Bulfekzawl chuan thawnin, thukru tura a tih thu police a hrilh. Police-te chuan thubuai ziaklutin, an chhuizui mek.