KHAWTHLIR

Ruang chhar

September 20, Inrinni tlai dar 4 vel khan Tuirial Airfield huam chhung, kawngpui aṭanga metre 200 vela hla kawrah ruang chhar a ni. Ruang chhar thu hriat a nih velah Airfield khawtlang hruaitute chu ruang chharna hmunah an kal nghal a, ruang hi a chhiat deuh tawh avangin a hmel hriat theih a ni tawh lo. Police-te'n buaipui ngaite an buaipui hnuah Civil Hospital, Aizawl morgue house-ah dah a ni. He thuziahlai thleng hian ruang chhar hi tu nge a nih hriat a la ni lo.

License nei loa damdawi zawrh khap

Kolasib district bawrhsap Robert C Lalhmangaiha chuan thuchhuah siamin, Kolasib district-ah license nei loa damdawi zawrh leh hralh a khap. Robert C Lalhma-ngaiha chuan damdawi zawrh phalna (drugs licence) nei loa damdawi zuar kual ṭhin an awm thu a tarlang a, "Hei hi Section 18 (c), Drugs & Cosmetics Act 1940 bawhchhiatna niin, Section 27 (b) (ii), Drugs & Cosmetics Act 1940 dân hmangin kum thum aia tlem lo lung-in tan tir leh Rs 1,00,000 aia tlem lo pawisa chawitir theih a ni," a ti.