Chhiah tam zawk lak dan tur sawiho

Mizoram Resource Mobilization Committee (MRMC) vice chairman Haukhuma Hauzel, IAS (Rtd) kaihhruaiin September 19, 2025 khan MRMC member-te, Taxation department leh Aizawl City Local Council Association hotute'n Mizoram sorkarin Goods and Services Tax (GST) aṭanga chhiah tam zawk a lak theih nana tax base lian zawk neih dan tur an sawiho.

Ṭhutkhawmah hian Aizawl khawpuia dawrkai tam zawkten sorkara GST an pek theihna turin Local Council Association-te nena thawhho theih dan tur rel a ni a; GST danah chuan sumdawngin kum khata a hralh chhuah cheng nuai 20 a tlin chuan GST registration a nei ngei tur a ni. Hemi dan ang chuan dawrkai/sumdawngin thla khatah Rs 1,75,000 a hmuh chuan a in ziahluh ngei a ngai.

Aizawl leh Mizoram khaw lian deuh hoah sumdawng, an sum lakluhte danin a tuk thleng phasi, mahse, GST pe duh loh emaw, chhan dang avanga in ziaklut duh lo engemaw zat an awm rina nih thu tarlan a ni a; he'ngte hi Taxation department leh Local Council hotute ṭangruala hriat chhuah theih dan turte sawiho a ni bawk.