Pawl pali-in thisen an pe

September 20, Inrinni khan pawl pali-in thisen unit 202 an pe. KṬP, Bethlehem Vengthlang Branch chuan an din champha pualin thisen pek an huaihawt a, Synod Hospital tan unit 61 an pe a, petute mipa 39 leh hmeichhia 22 an ni.

KṬP, Tlangnuam Branch-in ZMCH tan thisen unit 50 pein, petute mipa 40 leh hmeichhia 10 an ni a; KṬP, Electric Veng Bialin Civil Hospital, Aizawl tan unit 41 an pe a, petute mipa 36 leh hmeichhia panga an ni. Champhai Bethel Veng Branch YMA pawhin Champhai District Hospital tan thisen unit 50 an pe a, petute mipa 45 leh hmeichhia panga an ni a; kumina thisen pek an huaihawt ṭum hnihna a ni.