Jal Shakti Minister hnenah ngen

PHE minister Prof. Lalnilawma chuan September 23, Thawhlehni khan New Delhi-ah Union Jal Shakti minister CR Paatil chu a chenna-inah a kawm a; Jal Jeevan Mission (JJM) hnuaia hnathawh zawh tawh bill tang rei lutuk chu pe chhuak thuai turin a ngen.

Prof. Lalnilawma hian Union Minister hnenah hian JJM hnuaiah Mizorama khua zawng zawng deuh thaw tuam a ni chu a lawm thu a sawi rualin, JJM hnuaia hnathawh zawh tawh bill tang rei lutuk chu release sak thuai turin a ngen. CR Paatil chuan JJM chungchangah Ministry levelah chinfel ngai a awm thu te, theihtawp chhuaha an bawhzui thu leh a fel veleh pawisa an rawn pek tur thu a lo hrilh a ni.

Mizoram chu tlang ram, ruahtui tamna a nih avangin a remchanna apiangah ruahtui khawlna siam a, tuihna siam thei tur kawr leh tlang kar khuahna siam a pawimawh thu sawiin Prof. Lalnilawma chuan, PHE department-in hemi atana hmalakna tur project a thehluh tawh pawh pe ngei turin a ngen nghal a; Union Minister chuan DPR thehluh tawh chu lo zirchiang a, a tih theih dan tur ngaihtuah turin official-te a hrilh tawh thu leh a lo bawhzuipui zel tur thu a sawi.