Online/offline-in dilna thehluh theih

Mizoram sorkar flagship programme Bana Kaih (Handholding) scheme Phase-II hnuaia Chief Minister’s Special Package dil duhte tan online leh offline hmangin dil theih a nih thu sorkar thuchhuahin a tarlang.

Sorkar thuchhuah chuan, Bana Kaih Scheme Phase-II hnuaia Chief Minister Special Package grant hi online leh offline-a dil theih a nih thu tarlangin, "Ṭanpuina dil theih zat hi Rs 50,000 thleng a ni a, online-a diltute chuan handholding.mizoram.gov.in aṭangin dil theih a ni," a ti a, online hmanga diltute chuan lehkha pawimawh (document)-te chu a thlalak fiah ṭha tak upload tel tur a nih thu a tarlang.

Offline-a dil turte chuan dilna form fill-up sa emawin mahni awmna district-a DC office/ SDO (Civil) office/ BDO office emaw, common service centre (CSC)–ahte kal tur a nih thu a tarlang a; online leh offline-a dilnaah hian passport photo, voter ID, Aadhaar card, bank pass book phek hma (account hawn ni lanna) leh ration card thlalakte thil tel tur a ni bawk.