MLA-in jail sak mek a enfiah

Champhai South bialtu MLA Lt Col. Clement Lalhmingthanga chuan nimin khan Champhai District Jail sak mek a hmunah a enfiah.

Clement Lalhming-thanga'n jail tangte leh jail chhung dinhmun a enfiah nghal a, jail tangte'n an thil siam leh an kutchhuak chi hrang hrangte lo entirin, an mamawhte leh an harsatnate an lo thlen.

Tun dinhmunah Champhai District Jail hi mi 105 tang thei tura ruahman a nih laiin, mipa 168 leh hmeichhia 33, an vaiin mi 201 an awm mek.

Jail building thar sak zawh a nih hunah chuan heng an harsatnate hi sut kian a nih ngei an beisei thu leh staff an indaih lo avanga harsatna an tawh thu thawktute chuan Champhai South Bialtu MLA hi an lo hrilh a ni.