Puantah leh thiamhnâng sawiho

Ministry of DoNER hnuaia High Level Task Force on Handloom & Handicraft chu September 24, Nilaini khan online kaltlangin an ṭhukhawm a, chief minister Lalduhoma'n a pisa aṭangin a zawm.

Ṭhutkhawmah hian hmarchhak bial huapa hmasawnna tur rawtna pali - cluster base-a hmarchhak huapa kal te, e-commerce ṭangkai zawka hman te, ram pawna thawh chhuah lama hma latu tur din leh handloom & handicraft lama inter-state leh centre thawhhona council chak tak din chungchangte sawiho a ni a; hmalak zel dan tur an duang.

CM Lalduhoma chuan, ṭhutkhawm hmasaa thurelte bawhzuiin Mizoramah handloom & handicraft kalpui theihna hmunte thlan a nih tawh thu a sawi. CM hi chief secretary Khilli Ram Meena, CM secretary Vanlaldina Fanai leh Commerce & Industries director H Lianzela ten an ṭawiawm a ni.

Ministry of DoNER hnuaiah hian hmarchhak bial huap hmasawnna hna kalpui dan tur road map duangtu High Level Task Force hrang hrang din a ni a, force-te chuan hmalakna tur an duang. Report an peih hunah DoNER-ah an thehlut ang a, a taka bawhzui dan an dap zui ang.