Aizawlah eDAR chungchang zirho a ni

Aizawl Traffic Police leh National Infomatics Centre (NIC), Mizoram chuan nimin khan Aizawl SP Conference Hall-ah Electronic Detailed Accident Report (eDAR) Module (Forms 1 to 10) chungchang zirhona an buatsaih.

Zirhona hi Traffic SP Ruatsanga Ralte, eDAR nodal officer-in a kaihruai a; khuallian Dingluaia, DIG, CID cum SPoC, eDAR chuan, eDAR project pawimawhna sawiin, a ṭangkaina tur ang taka Mizorama hman a ṭul thu a sawi.

Traffic SP chuan, eDAR project chu Ministry of Road Transport and Highways-in a duan a nih thu sawiin, India ramah lirtheia chetsualna a tlakhniam theih nan eDAR project chu a nih tur ang taka ṭangkai taka hman a ṭul thu a sawi a, "Lirthei accident kaihhnawiha chhinchhiah ngaite dah luhna turin eDAR portal duan a ni a, heng aṭanga information lak khawm hmangin sorkarin lirthei chetsualna titlem turin road engineering-ah te, emergency care-ah te, education leh law enforcement thlengin ruahmanna ṭha zawk a siam thei dawn a ni," a ti.

Zirhonaah hian NIC-a eDAR coordi-nator Lalmuanawmi'n eDAR pawimawhna a sawifiah a; NIC-a mithiam dangte'n hriat tur pawimawh an sawi bawk.