GAC-in Debate an buatsaih

Government Aizawl College (GAC) chuan kumina golden jubilee an lawm pualin nimin khan Inter College Debate Competition an buatsaih. Hrangbana College zirlai HC Lalrinfela pakhatna a ni a, Pachhunga University College zirlai Vanlalkhawngaihdawngzeli pahnihna niin, Hrangbana College zirlai Dinsawmkimi Pathumna a ni.

Debate Competition-ah hian thupui chu, 'Mipui hnena tui thianghlim pêk leh faina kawngah sorkarin hma a la ṭha tâwk a ni,' tih a ni a, Aizawla college pariat bakah, HATIM, Lunglei leh Serchhip College aṭangin zirlaite an tel.

Aizawl College hi kum 1975-ah din a ni a, tunah hian BA leh BCom-ah zirlai 1,893 leh post graduate (Education)-ah zirlai 40 an awm mek a ni.