Zirlai damlo tam vangin sikul khâr

Baptist English School (BES), Serkawn, Lungleia zirlai zinga eng emaw zat chu tun hnaiah an dam lo a, ni hnih chhung sikul an chawlh phah. He sikula damlote pualin nimin khan Civil Hospital, Lungleiah a bika inentirna buatsaih a ni.

BES, Serkawn hi Lunglei Civil Hospital chuan BES zirlai damlote pual bikin nimin khan Civil Hospital-ah inentirna an buatsaih a; zirlai damlo 33-te hriselna dinhmun endik niin, an khâk (swap sample) lâk a ni.

Thu dawn danin, Civil Hospital, Lungleiah hian zirlai 33-te hi RT-PCR hmangin Covid-19 an vei leh vei loh endik a nih bakah, a ṭul angin ZMCH-ah influenza endik leh tura ruahman a ni. Zirlai 33 zingah na lutuk leh damdawi-ina dah luh ngai an awm rih lo.