MINECO-ah faina hnatlang buatsaih

Women & Child Development, UDPA department, Mizoram Pollution Control Board leh UPC (NEI) PYD General Headquarters ṭangkawp chuan nimin khan Rashtriya Poshan Maah 2025 & Swachhata Hi Sheva 2025 denchhenin MINECO-ah Women & Child Development ‘Say No to Single Use Plastic & Promoting Eco Friendly Alternatives’ programme leh faina hnatlang an buatsaih.

WCD joint director Sailopari chuan, Rashtriya Poshan Maah (National Nutrition Month) leh Swachhata Hi Sheva chu ministry level aṭanga ruahmanna zûla India ram state tina hman ṭhin a nih thu a sawi a, "Ram changkang leh hrisel kan nih ve theihna atana pawimawh leh mi tinin thâ kan thawh ve theihna a ni a, he programme hi faina leh hriselna kawnga bulṭan tharna, ṭhalaite leh ram pum nghawng zel tura rahbi thar a ni," a ti.

Kalkhawmte hi inṭhendarhin Mizoram sorkar hmunpui (MINECO) leh a chhevela bawlhhlawh thenfai hnatlang an nei zui nghal a ni.