State Level National Heritage Quiz Competition

27th September, 2025

Directorate of School Education leh INTACH Mizoram Chapter ṭang-kawp chuan September 25, Ningani khan School Education Directorate conference hall-ah 'State Level National Heritage Quiz Competition 2025' an buatsaih a; sikul 16 zirlaite intihsiakin, Govt. Mizo High School zirlaite pakhatna an ni.

School Education director Angela Zothanpuii chuan, naupangte chu Mizo hnam rohlute humhalh kawngah ṭan la lehzual turin a chah a, "He intihsiakna kaltlang hian hriatna chhar chhuakin, kan pi leh pute sulhnu leh rohlute chawinungtu ni zel ang che u," a ti.

Quiz intihsiakah hian Aizawl khawpuia sikul thlan bik 16 aṭangin pawl 8-10 zirlai 32 an tel a; Govt. Mizo HS zirlaite pakhatna niin, St Pauls HS leh Neuhof EMS-te chu pahnihna leh pathumna an ni.