Eiin sawngbawl dan zirtir

Science, Technology and Innovation Hub (STI Hub) Mizoram leh Mizoram State Rural Livelihood Mission (MzSRLM) ṭangkawpten North Vanlaiphaia ni hnih awh ‘Hands On training on Value Added Food Products – Processing and Packaging' an buatsaih chu nimin khan khar a ni.

Training-ah hian Bawktlang, Lungkawlh, Sailulak, Khawlailung, Chekawn, Leng, East Lungdar leh North Vanlaiphai khua aṭangin Self Help Group 38 aiawh mi 40 an tel a; sawhthing leh lakhuihthei hmanga thil siam dante inzirtir niin, fermentation, processing leh packaging technique-te hrilhfiah an ni.