Pawl hrang hrangin thisen pe

September 27, Inrinni khan Mizoramah pawl hrang hrangin thisen unit 271 an pe. KṬP, Bawngkawn Bial chuan Synod Hospital tan unit 72 pein, petute mipa 69 leh hmeichhia pathum an ni a; KṬP, Chanmari West Chhimveng Branch-in ZMCH tan unit 46 an pe a, petute mipa 37 leh hmeichhia pakua an ni.

Civil Hospital, Aizawl tan KṬP, Kanan Veng Branch-in unit 42 pein, petute mipa 39 leh hmeichhia pathum an ni a; Baptist Youth Fellowship (BYF)-in unit 33 pein, petute mipa 28 leh hmeichhia panga an ni. KṬP, Chiahpui Branch-in unit kua an pe a; blood bank-ah mimala a thlawna thisen pe mi 15 an awm.

ṬKP, Hnahthial North Bialin Civil Hospital, Lunglei tan unit 47 an pe a, petute mipa 39 leh hmeichhia pariat an ni. Serchhip District Hospital tan ṬKP Serchhip Bialin unit 14 pein, petute mipa leh hmeichhia pasarih ve ve an ni a; Serchhipa 14th Assam Rifles-te'n unit riat an pe bawk.