Khawruhlianin kawng dan an tum

Khawruhlian NGO Coordination Committee chuan, an khaw chhung luh leh chhuahna kawngpui chu September 30, 2025 ral hmain a nih tur anga siam tura hmalak a nih loh chuan tiam chin awm loin an khaw paltlang theihna kawng zawng zawng dan an tum thu an tarlang.

Khawruhlian NGO-te chuan thuchhuah siamin, "Khawruhlian khaw chhung luh leh chhuahna kawng hi a nihna tur ang tak leh rang taka siam kan duh a, September 30, 2025 ral hma ngeia hmalakna leh bawhzuina kan hmu lo a nih chuan tiam chin awm loin Khawruhlian paltlang theihna kawng zawng zawng dan chah lailawk a ni ang," an ti.

Khawruhlian NGOCC chuan, kum 2017 aṭanga NH-150 laih avangin chhiatna hrang hrang a thleng a, an khua chu tlawhpawh hleih theih lohin a awm ṭhin thu leh, tunah pawh lirthei lian a luh theih loh thu an tarlang a ni.