Mizoram PYD-in ruihhlo ngaite puala chaw ngheia ṭawngṭai rêl

Mizoram UPC ṭhalai pawl, Pentecostal Youth Department Inkhawmpui Lian vawi 28-na, R Deng-ṭhuama Indoor Stadium, Mualpuia September 26, Zirtawpni zan aṭanga ṭan chu nizan khan a ṭiak a; ram pum huapin ruihhlo ngaite puala chaw ngheia ṭawngṭai an rêl.

PYD Inkhawmpui Lianah hian September 27, Inrinni khan president Upa Dr Zonunmawia kaihhruaiin palai 1,305-in roan rel a; kum 2026 chhungin ram pum huapa ruihhlo ngaite puala chaw ngheia ṭawngṭai te, General PYD hmalaknaa zûk leh hmuama thianghlimna beihpui thlakte an rel. Kum 2027 inkhawmpui chu Kolasib Diakkawn Biala nghah an rêl a, inkhawmpui thlengtu puihna chu Rs 3,00,000-a tihsan an rel bawk.