KHAWTHLIR

CADS ruihhlo man

Central YMA hnuaia Central Anti Drug Squad (CADS) chuan September 20-26, 2025 chhung khan heroin hawng 3 leh Tictac bur 127 an man a, codeine bûr riat leh alphazolam báwm khat an man bawk. Ruihhlo man kaihhnawihah mi 44 an man a, chu'ng zinga pahnih chu Excise & Narcotics department hnenah pek niin, pakhat chu home-ah dah a ni.

Tuiah tla hlum

Chanchinmawia (20) s/o H Thanzawna, Khawpuar, Aizawla a pute bula cheng chu September 27, Inrinni tlai khan Tlawng luiah a tla hlum. Thu dawn danin, Chanchinmawia hi a ṭhiante nen Tlawng lui, Reiek kaiah an kal a, an ṭhiannu chesual a ṭhiante'n an chhan lai puih a tumna lamah a chesual a ni.

Heroin man

Lunglei Police-a District Special Branch staff-te chuan September 27, Inrinni khan Tlawng leh Mausen inkarah Thangchhungi (58), Ṭawipui South nia inchhál hnen aṭangin heroin gram 50.8 an man a; Lunglei Police Station-ah thubuai an ziak lut.