Covid-19 No Tolerance Drive Kalpui chhunzawm a ni dawn

Covid-19 No Tolerance Drive chu Mizoramah kalpui chhunzawm zel a ni dawn a, hei vang hian tih tur leh tih loh tur te, mipui vantlang awm dan turte chu tuna kal mek dan anga kalpui zel tur a ni.

Mizoram State Disaster Management Authority (SDMA) hnuaia State Executive Committee Chairman chuan January 10 khan hriattirna a tichhuak a; Disaster Management & Rehabilitation department-in November 27, 2020-a thupek a lo chhuah tawh, 'COVID-19 No Tolerance Drive' atana kaihhruainate chu thupek dang a awm leh hma chuan kalpui chhunzawm tur a ni tih a tarlang.

November 2020-a Covid-19 No Tolerance Drive kalpui chu chhunzawm zel a ni a, November 27, 2020-a thupek chhuah angin, December 1, 2020 aṭanga January 10, 2021 chhung kalpui chhunzawm turin pawhsei a ni. Drive kalpui lai chu nizan zanlai khan a tàwp a, thupek thar a awm leh hma zawng kalpui chhunzawm turin sorkar chuan a pawtsei leh ta a ni.