Luia nungchate man khap a ni

Fisheries department chuan hriattirna tichhuakin, Mizorama luiah nungcha man khapna hun (closed season) an puang a; khapna hian October 10 - November 30, 2025 thleng a huam dawn.

Fisheries department chuan, sangha fuan hun a thleng ṭan tih tarlangin, "Luia nungchate an pun zel theihna tur leh nghafuan hun laia him taka an inthlah pun theihna turin Mizoram Fisheries Act, 2002 Section 5(1) leh (2) behchhanin lui dung nungcha man khapna hun puan a ni," an ti a; closed season-ah hian sangha leh luia nungchate man, tihhlum leh an nunphung tihbuaite khap tlat a nih thu an tarlang.

CLOSED SEASON

■ October 10 - November 30, 2025.

■ Mizorama lui lian leh lui tê zawng zawng a huam.

■ Khapna hian Autonomous District Council areas a huam lo.

■ Thupek bawhchhiate chu thla 1-3 lung-ina tàntir emaw, Rs 5,000 chawitir emaw, a pahnih emawa hrem theih a ni.