Deputy Speaker-in greenboard a sem

Deputy speaker Lalfamkima chuan nimin khan a bial Kolasib constituency chhunga sorkar sikul ṭhenkhat a tlawh kual a, greenboard a sem.

Lalfamkima hian sorkar sikul pasarih - Kolasib Primary School-III, Kolasib P/S-XI, Kolasib P/S-X, Kolasib P/S-XIV, Selluai Middle Scvhool, Kolasib Venglai M/S leh Kolasib High School hnenah greenboard 19 a sem; zirna chu hmasawnna bulpui a nih avangin ngaih pawimawh a ṭul thu sawiin, "Thiamna tak tak nei tur chuan zirna ṭha kan neih a ngai a, zirlaite'n zirna ṭha leh tluantling an dawn theih nan theihtawp chhuaha ṭan tlan a ngai," a ti.

Lalfamkima chuan, sikul hotute'n an mamawh an lo thlente chu a tahtawla tihhlawhtlin zel a tum thu a sawi bawk.