UDPA-in Lok Kalyan Mela an buatsaih
Urban Development & Poverty Alleviation (UDPA) department chuan nimin khan SBI Regional Business Office-ah Lok Kalyan Mela an buatsaih a; street vendor-te'n awlsam zawka loan an lak theihna PM-SVANidhi loan chungchangah Aizawla street vendor-te pualin hun an hawng.
Mela-ah hian PM-SVANidhi scheme hnuaia loan la thar duhte dilna online-in an upload-sak a, loan dil tawhte socio economic profiling an tihpui a, digital payment la hmang lote chu a hman dan an zirtir.
Nimina Lok Kalyan Mela neihnaah hian loan dilna first tranche 25, second tranche 15 leh third tranche panga chu online-a upload sak an ni.
PM-SVANidhi scheme hi district tinah kalpui a ni a; Mela hi vawiin leh naktuk hian Dawrpui Multipurpose committee room-ah chhunzawm a ni dawn. Mela zawh hnuah pawh loan dil duhte UDPA Directorate leh district tina UDPA office-ahte ngaihven theih a nih thu an tarlang.