LSC lem pek chhuah vangin Court-in mi 2 thiam loh a chantir

Special Court (Prevention of Corruption Act) chuan Lai Autonomous District Council (LADC) hnuaia Land Revenue department-a thawk Zairikhima leh B Hrangchhuma te chu LSC lem siam vangin September 29, Thawhṭanni khan thiam loh a chantir.

Zairikhima leh B Hrangchhumate hi Land Revenue department-a circle supervisor hna thawk an ni a; land settlement certificate (LSC) lem siam chungchangah special judge F Rohlupuia chuan thiam loh chantirin, Rs 1,10,000 ve ve chawi tur leh thla ruk chhung jail-a táng turin a hrem.

Zairikhima hi Central Jail-ah dah luh nghal a ni a, B Hrangchhuma erawh chu a hriselna a ṭhat tawk loh avang leh stroke a neih avangin jail-ah dah luh a ni rih lo.

Zairikhima leh B Hrangchhuma te hian Kaladan Multi Modal Transit Transport Project kawng sialna tur Lawngtlai aṭanga Zochachhuah paltlang turah LSC lem mi eng emaw zah hnenah pawisa hlawhin an pe chhuak a ni. LSC-a a lan danin, LSC lem neitu zinga mi 120 chu sorkar pisa chawlh ni, Inrinni leh Pathianniah pawh pek chhuah a ni.

LSC lem neitute pawh thubuaiah hian an tel a, finfiahna a awm loh avangin chhuah zalen an ni thung.