Mi pahnih thiin chhar an ni

Champhai Rahsi Veng tlangval Rohmingthanga (32) s/o Vanmawia chu January 6, 2021-ah hna an thawhna hmun aṭanga a bo hnuah January 9, Inrinni chhun dar 1:30 vel khan hna an thawhna hmun, Tualpui khaw dái aṭanga km. 1 vela hláah thiin hmuh a ni a; a ruang endik a nih hnuah nimin khan vui a ni.

Nimin zing dar 9 vel khan Edenthar Veng, Aizawla luikawr pakhatah ruang chhar a ni bawk a, a hnuah Mari (32) d/o Vanlalsiama (L) a ni tih hriat a ni. Thu dawn danin, Mari hi pasal sún tawh niin, Muanna Veng leh Zuangtui inkara mi in luaha amah chauha khawsa a ni a; Zuangtui Branch YMA hruaitute chuan, an venga YMA Neuva Section huam chhunga thla khat vel mi in luaha awm tawh a nih thu an tarlang.