Drone hman dan tur tarlan a ni

Mizoram sorkar chuah thuchhuah siamin, Director General of Civil Aviation hnen aṭanga thu an dawn danin, tunhnaiah drone hman chungchangah dan bawhchhiatna hrang hrang a awm a ni.

Hetiang a nih avangin Mizoram sorkar chuan mipuiten dan kan lo hriat a, dan hnuaiah him tak a drone hmangtuten an hman theih nana zawm turte an tarlang.

Drone hman dan tur
* Drone kan hman turte chu type certified niin, a in ziahluhna tur dik takah inziahluh vek tur a ni.
* Drone khalhtu chuan a drone hman tur chu Nano emaw Micro drone, sumdawnna ni lo atana hman a nih chauh loh chuan Remote Pilot License a nei ngei tur a ni.
* Danin a phut angin drone chu nano a nih loh chuan third party insurance tih ngei ngei tur a ni a, insurance tihfel loh drone thlawh chhuah tir phal a ni lo.
* Drone khalh tur reng rengin yellow zone a ni emaw red zone leh hmun dang a ni emaw drone thlawh chhuah tir a nih hmain hemi atan a thuneitu bik sorkarin a ruat hnenah phalna a nei hmasa tur a ni.
* Foreign siam drone-te phalna la hmasa lo chuan thlawh chhuah tir phal a ni lo.
* Drone registration an tih dawn reng rengin dan thenkhat pumpelh duh vangin a rih zawng dik lo ziahluh phal a ni Io.