Scho' sum dawng; pe chhuak nghal

Sorkar laipuia Ministry of Tribal Affairs aṭangin September 30, Thawhlehni zan khan kum 2023-24 leh 2024-25 scholarship sum tangkhang cheng vbc 50.42 chu Mizoram state sum bâwmah dah luh a ni.

Ministry of Tribal Affairs-in scholarship sum a rawn pek chhuah thu hi sorkar thuchhuahin a tarlang a, "Hemi (cheng vbc 50.42) leh state matching share vbc 5.60, a vaiin vbc 56.02 hi vawiin (October 1)-ah Finance department chuan Treasury aṭangin a pe chhuak nghal ang," a ti.

Scholarship sum chungchangah hian MZP chuan lawmthu sawiin, "Ministry of Tribal Affairs aṭanga SNA-SPARSH exemption October ni 31, 2025 ral hma ngeia sem a nih theih nana hma latute zawng zawng chungah lawmthu kan sawi tak meuh a ni," an ti.