PC-in thawhpui neih an tum lo

People's Conference (PC) party chuan thu­chhuah siamin, Serchhip biala Assembly by-elec­tion leh Aizawl Muni­cipal Corporation (AMC) inthlan atan an inbuatsaih mek thu leh, AMC inthlan­ah party dang thawhpui leh ṭanrualpui neih an tum loh thu an tarlang.

PC party chuan, Serchhip constituency-ah by-election neih a ngai chu pawi an tih thu sawiin, "He bial chhunga hmun hrang hrangah PC party mi leh sa, mi puitling tak tak kan ngah a, tun hnaiah unit pahnih kan din thar bawk. By-election lo awm turah hian PC party chuan party mala chuh ve ngei ni se tih party mipui aṭanga nawrna a nasa a, party headquarters hruaitute thutlukna ngaihchàn mek a ni," an ti.