MP Vena'n Zokhawthar a tlawh

Rajya Sabha MP K Vanlalvena chuan January 9, Inrinni khan Zokhawthar a tlawh a, khawtlang mamawh leh harsatna hrang hrangte a hmunah kalin a enpui.

K Vanlalvena chuan, helipad atana khelmual hman bul hnai tê têah chenna in leh zirna-in a awm avanga khawtlangin harsatna an tawh ṭhinte chu a en a, hmun dang remchang laia sawn dan tur khawtlang hruaitute nen an sawiho.

Rajya Sabha MP hian Assam Rifles camp chu kum 10 chhung atana hawh a nih bakah, mipui tan in hmunah a ṭul avanga sawn tura hmalakna kal mek bawhzui dan tur leh middle school luah ngam loh leh tlak tawh loh pawh a hmunah a en a; border trade centre tlawhin, khawchhak lam aṭanga bungraw lutte lo enfiahna hmun plant quarantine station a tlawh bawk. 

Indo-Myanmar kawng­pui laih mek chu a hmunah kalin K Vanlal­vena hian a enfiah a; kawng siamtu Tarmat company hotute chuan, Zokhawthar bul hnaia an la zawh lohte chu kumin chhung ngeiin zawh vek an tum thu an lo hrilh a ni.