PYD-in Social Work Day an hmang

UPC (NEI) kohhran hnuaia ṭhalai pawl, Pentecostal Youth Depart-ment (PYD) chuan nimin khan India hmarchhak pum huapin vantlang tana thil ṭha tih ní, Social Work Day an hmang.

Aizawl City PYD Coordination Committee chuan Social Work Day pualin Synod Hospital Poor Fund-ah Rs 10,000 an pe a; UPC NEI hnuaia tualchhung leh bial hrang hrangah PYD ten an remchan angin faina hnatlang leh thing phun hnatlang bakah, thisen pek leh damdawi-ina damlote hnena ei tur semin hun an hmang.

Social Work Day pual hian October 10, 2025 khian Aizawla pastor bial hrang hranga PYD member-te chuan Mualpui Kohhran Sunday School Hall-ah thisen pek rûnpui an huaihawt dawn bawk.

UPC NEI hnuaia PYD hian kum 1999-a General Conference-in a rel angin October 2 hi Social Work Day atan kum tin an hmang ṭhin a ni.