Mahatma Gandhi zahna hlân

Nimin October 2 kha India hnam pa Mahatma Gandhi pian champha vawi 156-na a ni a, zing karah Governor Gen. Dr Vijay Kumar Singh leh Mizoram sorkar mi pawimawhte'n Pachhunga University College hmuna Mahatma Gandhi limah pangpar dahin zahna an lantir.

Mahatma Gandhi limah hian Governor-in zahna pangpar a dah hmasa ber a; Assembly speaker Lalbiakzama, minister pathum- Vanlalhlana, Lalthansanga leh Lalrinpuii te, chief secretary Khilli Ram Meena, DGP Sharad Agarwal leh sorkar hotu dangte'n pangpar an dah ve bawk.

United Nations chuan kum 2005 khan Gandhi pian champha October 2 hi International Day of Non-Violence-ah a lo puang tawh a ni.