Mizorama district hrang hrangah Swachhata Hi Seva campaign khâr

Nimin khan district hrang hrangah faina beihpui thlakna - Swachhata Hi Seva 2025 campaign kharna te, Mahatma Gandhi pian champha pualin 'Swachhata Diwas' leh faina hnatlangte neih a ni a; faina lam hawi intihsiakna hrang hrang lawmmante sem a ni. Swachhata Hi Seva hi September 17 aṭanga October 2 chhungin hman a ni ṭhin.

Champhaiah chuan Jail Vengah bawrhsap Mohammad Aaquib hoin Swachhata Hi Seva khârna hun hman a ni a; Swachhata Green Leaf Khualbûk (hotel leh homestay) fai leh thianghlim inelnaa lawmman dawngtute hnenah lawmpui thuziak hlan a ni.

Champhai PHE Office aṭanga Jail Veng inkar, TT Zothansanga Road-ah UDPA leh PHE department te, Vengsang VC, KṬP, YMA, MHIP, MUP ten faina hnatlang an nei nghal bawk.

Lawngtlaiah chuan Areopagy-ah faina kawngzawh - Swachhata Rally neih a nih bakah, Swachhata Hi Seva kharna leh faina hapta (Cleanliness Week) hawnna hun hman a ni a; district bawrhsap Donny Lalruatsanga'n a hmanpui.

Swachhata Rally-ah hian LADC Sanitaion & Waste Management officer C Lawmsangzuala kaihhruaiin kal khawmte'n faina thutiam an sawi rual a; Swachhata Hi Seva puala intihsiakna hrang hrang lawmman sem a ni.

Saitualah chuan DC conference hall-ah additional DC Lallawmawma hoin Swachhata Hi Seva campaign kharna leh Swachhata Diwashoin lawmna hun hman a ni a; faina kawnga thawktu sanitation worker-te hnenah lawmman hlan a nih bakah, campaign chhunga khawpui leh thingtlang lama hmalakna hrang hrangte tarlan a ni.

Khawzawl DC Auditorium-ah pawh Swachhata Hi Seva campaign kh×rna leh Swachhata Diwashoin lawmna hun hman a ni a, bawrhsap K Vanlalṭhiana'n a hmanpui. Fai intihsiakna - veng fai, pisa fai, restaurant fai, sikul fai lawmmante sem a ni.