CM-in Lawngtlaia leiminna a tlawh

Chief minister Lalduhoma chuan October 1, Nialini zan khan kumin May 30 zana Lawngtlai Bazar Veng leh Chandmary Venga leiminna hmun a tlawh a, sorkar hotute nen hmalak zui dan tur an sawiho.

CM Lalduhoma hi Lawngtlai East bialtu MLA Dr Lorrain Lalpekliana Chinzah leh district bawrhsap Donny Lalruatsanga ten an ṭawiawm a; chhiatna thlen dan leh sorkar leh tlawmngai pawlte'n chhanchhuah leh chhawmdawl hna an thawh dante an lo hrilh.

Chief Minister chuan, chhiat tâwkte a tawrhpui thu sawiin, "In chim senghawi kim loh pawh a theih anga senghawi dan ngaihtuah ni se. Chhiatna vanga in leh bungrua chhiate hlut zawng mumal taka chhût chhuakin, a rang lama report siama sorkar laipuia thehluh ni se," a ti a; sorkar laipuia bawhzuinaah theihtawp a chhuah tur thu a sawi.

May 30, 2025 zan khan Lawngtlai Bazar Veng leh Chandmary Vengah leimin vangin in rel lai pahnih, concrete building paruk leh assam type in pakhat a chhia a ni.