Ward XII-ah faina beihpui thlâk

Aizawl Municipal Corporation (AMC) Ward-XII chhunga veng pathum - Dinthar, Tuikual North leh Tuikual South-ahte nimin khan faina hnatlang huaihawt a ni a, plastic hmanraw hlui leh sarâng hman hluite lei khawm nghal a ni.

AMC Ward-XII faina beihpui thlak hi bialtu corporator R Thanglura, deputy mayor-in a hmanpui a; Dinthar Local Council House-a hawnna inkhawmah R Thanglura chuan, "Mamawh loh la khawma lei vak ṭhin kan nih avangin a thehthang danah bung thar kan kai a ṭul a, thil hlui hman nawn leh pawh kan intihhmuh a hun tawh. Fai turin mahni tana hnawksak tur thenfai kawngah leh mi dang tana hnawksak siam lo tura bawlhhlawh kan thehthang loh a ngai," a ti.

Ward-XII chhunga veng pathum hnenah hian faina lama hmalakna turin Aizawl Deputy Mayor hian Rs 15,000 ṭheuh a pe a ni.