Mamitah Wildlife Week hawng

Environment, Forest and Climate Change department bultumin nimin khan Mamit Hmarveng Badminton Hall-ah Wildlife Week 2025 hawn a ni.

Mamita Wildlife Week hawnna inkhawm hi Mamit Hmarveng badminton president P Lalchunglura'n a kai-hruai a; Week hawngtu Mamit district forest officer Lalrinmuana chuan, "Plastic kan thehdarh mai mai avangin leimin a tam phah a, nungchate'n an tawrh pah bawk," tiin, hman khat daih plastic bawlhhlawhte bawlhhlawh báwmah chauh paih turin mipui a chah.

Kumina Wildlife Week thupui chu 'Mihringte leh nungchate chenho' tih a ni a; Week hman chhungin thlalak, lemziak leh thu inphuah-siak hmangtein inelna buatsaih a ni ang.