Zirtiri College-in faina hnatlang huaihawt

Zirtiri Residential Science College NSS Unit leh Mathematics department zirlaite chuan nimin khan Durtlanga an college hmunhma leh Durtlang veng chhung hmun ṭhenkhat tihfaiin an hnatlang. ZRSC IQAC, Botany leh Electronics department-te pawhin Social Welfare department bultumin an college-ah 'Drug Awareness Program-me' an buatsaih bawk.

Administrative Training Institute (ATI)-a training mek MCS leh MFAS 2025 batch-te pawhin October 2, Ningani khan faina hnatlang an nei a; hlawm hrang hrangah inṭhenin, ATI leh a chhehvel an tifai a ni.