Geologist-te'n inkhawmpui an hmang

Leilung zirmite pawl, Geological Society of Mizoram (GSM) chuan nimin khan Pachhunga University College seminar hall-ah General Body Meeting vawi 7-na an hmang a, minister of state F Rodingliana'n hmanpuiin, Mizoram himna leh leilung hausakna hai chhuahna lamah hma la turin geologist-te a chah.

GSM inhmuhkhawm an president Dr J Malsawma'n a kaihruai a; an member thi sûnna leh hlawhtling tharte chawimawina hun an hmang a, PhD hmu thar pathum, NET-JRF leh GATE nei thar panga hnenah lawmpuina an hlan. Geology & Mining director J Chamliana leh Pachhunga University College principal Prof. H Lalthanzara ten thu an sawi.

Mizoram leilung hausakna hai chhuah dan dinmun leh hmathlirte zirho a ni a; state sorkar college leh higher secondary school-a science zir theihna hmunah Geology subject dah vek chungchang leh zirtirtu lak belh tura sorkar ngen chungchang te, state university-ah Geology zirna hawng tura rawtna thlen chungchang te, AMC hnuaia lei laih phalna endik chungchanga hmasawn thei dan turte sawiho a ni bawk.

GSM general secretary Prof. Laldinpuia tarlan danin, GSM-ah hian member 210 an awm a ni.