Free ambulance leh free medical center

Adviser to CM (Health) Dr Lorrain Lalpekliana Chinzah chuan October 3, 2025 khan Lawngtlai DC pisa conference hall-ah free ambulance leh free medical center a hawng.

Free ambulance leh free medical center hawnna inkhawm hi bawrhsap Donny Lalruatsanga'n a kaihruai a; Dr Lorrain Lalpekliana Chinzah chuan, free ambulance leh free medical center chu politics khelh nan ni loin, a mamawh tak takte'n ṭangkai taka an chhawr theih turin Lawngtlai mipui tan a hawn thu a sawi a, "Free ambulance leh free medical center hi nikum lam khan Mamit district-ah kalpui a ni tawh a, kumin hian Serchhip leh Lawngtlai district-ah kalpui a ni dawn," a ti.

Adviser to CM chuan, Free Ambulance & Free Medical Center chu a duh apiang tan hman theih a nih rualin, VC, tlawmngai pawl leh Health lama thawkte'n an hriatpuinaa hman a ngaih dawn thu a sawi a; Lawngtlai district tan hmasawnna rahbi thar a nih dawn thu sawiin, ṭangkai tak a hmang turin Lawngtlai district mipuite a sáwm a ni.

Report petu Dr David Thawmthang chuan, free ambulance leh free medical center kalpui a nih theih chhan ber chu Dr Lorrain Lalpekliana Chinzah hmalakna a nih thu a sawi a, "Ambulance kal theih lohna hmunah chuan tuialhthei an tumsak ṭhin dawn," a ti. Free ambulance leh free medical center hi Lawngtlai District Hospital-ah dah a ni dawn a, doctor pakhat leh nurse pathumte'n a vil reng dawn thu a sawi bawk.

Free ambulance leh free medical center hi October 15, 2025 aṭangin hman theih a ni ang.