Catholic ṭhalaite'n Ṭhalaite Ni hmang

Catholic Ṭhalai Pawl diocese hrang hrangte chuan nimin khan Mizoram pumah Ṭhalaite Ni an hmang. Ṭhalaite Ni hi Cultural Day atan hman a ni a, Mizo hnam thuam inbelin hlim takin hun an hmang a ni.

CṬP Ṭhalaite Ni hi Aizawlah chuan St. Lawrence Parish, Ramthar Vengah Aizawla parish hrang hrangte'n a huhoin an hmang a, CṬP member ṭhahnem tak an tel. Chawhmaah Pathian biak inkhawm neih niin, chawhnuah fellowship hun hman a ni a; Diocese youth director Rev. Fr James Lalruattluanga'n thuchah a sawi.

Ṭhalaite Ni hi CṬP chuan ṭhalaite hmasawnna atana thil pawimawh hrang hrang inzirtirna hun atan an hmang ṭhin. Luanchhuahna hun atan hmang ṭhin bawkin, thisen pek rûnpui an huaihawt ṭhin a, October 4, Inrinni khan hmun ṭhenkhatah thisen an pe a ni.