Sports Minister-in RSTC a tlawh

Sports & Youth Services minister Lalnghinglova Hmar chuan October 4, Inrinni khan Kolasib Saidana Regional Sports Training Centre (RSTC), Kolasib District Football Association leh Reliance Foundation-in Kolasib District Stadium-a naupang league an khelh mek a tlawh.

Kolasib RSTC hi Sports & Youth Services department enkawl niin, mipa kum 17 chin hnuai lam tana football zirna (residential academy) a ni a, DSYO leh coach-in an awm chilh. Naupang 30 an awm mek a, May 2025 thla khan Bihar-a Khelo India Youth Games-ah Mizoram aiawha kalin bronze medal an la a ni.

Sports Minister chuan, Kolasib RSTC-a football zir mek naupangte chu football hmanga nun dik zir tel tur leh, zu leh ruihhlo tichhin lo turin tun aṭanga thutlukna nghet siam turin a chah.