OMB hmangin vbc 110 pûk dawn

Mizoram sorkar chuan Open Market Borrowing (OMB) hmangin cheng vbc 110 a pûk leh dawn a; sorkar kum (financial year) kal mek 2025-26 ah thla sarih chhunga OMB hmanga sum a pûk ṭum ngana tur a ni.

Finance department aṭanga Vanglaini thu dawn danin, Mizoram sorkarin financial year 2025-26 ah a tir lam thla hnih - April leh May-ah OMB hmangin sum a pûk lo a, June 2025-ah a pûk ṭan. Tun ṭuma a pûk leh tur nen hian sorkar kum kal mekah cheng vbc 585 a pûkna tur a ni.

OMB hmanga sum pûk tur zat hi budget-ah ruahman tel a ni a; sorkar kum liam ta 2024-25 khan OMB hmanga pûk turin budget-ah cheng vbc. 1,170 ruahman a nih laiin, cheng vbc. 1,169 pûk a ni a, vbc. 1-in pûk tur zat a tling lo.

Kum kal mek 2025-26 ah chuan budget estimate-a OMB hmanga pûk tura ruahman chu cheng vbc. 1,150 a ni.

OMB-A SUM PÛK 2025-26

June 2025 vbc 125

July 2025 vbc 100

August 2025 vbc 100

September 2025 vbc 150

October 2025 vbc 110